ابوذيات جميله

سلام عليكم حبيت اقدم لكم ابوذيات ارجو ان تعجبكم

تسئلني اعلة حالي شبيك لا بيك
وانتة اوجاع كلبي شبيك لابيك
تذكر من تجي شبيك لبيك
اشو هسة اصبحت تلعب عليه

اجت يمي تهاني اشكثر ياما
ومنهن صحت بوية وآخ ياما
ابشركم دليلي الجان ياما
انكسرت من كثر هجر العليه

فك الصدر شوف احزان بي كم
ولا واحد نشدني الجيب بي كم
مو شايل كلب يكول بيكم
كل ساعة عشرة يحب سوية

اريد اسأل كمر خدك شمس بيك
شصبح بيك محبوبي شمس يك
فراشه وما تحمل المس شمس بيك
ترف وتذوب لو جستك بديه

شكثر بجفاك ون كلبي وهم لك
وعقلي غفل فاركني وهملك
شتظن انساك يالغالي واهملك
وانت بدمي دم يدور بية

علي عزة السلوة من يسلني
صديت بغمد هجرك من يسلني
شكل عنك الشامت من يسلني
اكابر والدمع يغلب عليه

عليها اسكب دمع عيني واهلها
واشم ترابها الطيب واهلها
سلام الله على الانبار واهلها
اهل الكرم مابيهم رديه

اكطع منخدودك ورد وشتم
ولا ادري شبقة من العمر وشتم
مرخص ولك سبني وشتم
شتايمكم ثواب لوالديه

يطارش هاك مكتوبي وسر بيه
حنين الكلب بسطوره وسر بيه
اخبره شوكت نتلاكه وسر بيه
وعلى كل بيت اطشن واهليه

حميتك دافعت عنك ورحماك
الطعن اهون ولا لوذن ورحماك
كلت اوليك ما اعوفك ورحماك
وليت وطيبتي عمت علية

ارجو ان تعجبكم محمد العراقي